२०७७ असोज २८ गते, बुधबार
विहान चाँडै उठ्न जाँगर चलेन। आज पनि चाहिँ साढे ७ सम्म सुतेँ। प्रकाश दाईले खाजा ल्याएपछि भने उठ्न कर लाग्यो।
आज खाजा खासै राम्रो थिएन्। कुकिज थियो। मैले खाइनँ। बरु घरबाटै ल्याएको सातु पानीमा घोलेर खाएँ।
अर्जुन दाईसँग फुरन्दाना रहेछ दिनुभयो। मैले खाएँ। ९ बजेसम्म कोठामै गफ गरेर बस्यौँ। मैले विहानको नित्यकर्म गरेँ।
आज छतमा जान जाँगर चलेकोे थिएन। कोठामै किताब पल्टाएर पढ्न थालेँ। समाजशास्त्री चैतन्य मिश्रको किताबमा पनि खासै जाँगर चलेका थिएन। तर आज राम्रैसँग पढ्न मन लाग्यो।
११ बजेपछि खाना खाँदै थियौँ। पल्लो ३०१ कोठाका साथीहरु ठूलो स्वरमा चिच्याए। हामीले अनुमानल गायौँ, विकासको कोरोना नेगेटिभ आएछ क्यारे नभए आज यति ठूलो स्वर आउनुपर्ने अन्य कारण त थिएन्।
उनी हिजोबाटै टेन्सनमा थिए। प्रेमिकाको रिपोर्ट आयो नेगटिभ, उनको आएकै थिएन। नभन्दै हो रहेछ। उनी बाहिर जान ताम्सिएका थिए। अब सफल भए। आजको खुसीको कुरा त्यही भयो।
उनी खाना खाएर बाहिर जान तयार भए। बाहिर जाँदाको आनन्दा माथी पनि भनिसकिएको छ। त्यसैले आज डिस्चार्ज हुने सबैजना खाना खाएरर तयार भइसकेका थिए।
यता नर्सहरुले खाजा खाएर मात्र डिस्चार्ज दिने बताएपछि उनीहरुसँग लामो गफ भयो।
लामो समयपछि बाहिर जाने अवसर आउन लागेकोमा सबैजना खुसी थिए। १४ दिन पुगेपछि मानिसहरु टेस्ट नै नगरि बाहिर पठाइन्छ। तर त्यसअघि नै नेगेटिभ आए आइसोलेसनबाट डिस्चार्ज भइन्छ।
त्यसै जनु भन्दा नेगेटिभ आएर जानुमा धेरै खुसी हुन्छ। आज बाहिर जाने मानिसमा यो खुसी देख्न सकिन्थ्यो। उनीहरुको स्मेल फर्किसकेको पनि थियो। तर मेरो नाकले अझै केही थाहा पाउने अवस्था भएको थिएन।
आजको दिउँसो विदाई टोलीसँग गफ गर्दै वित्यो। त्यसका अलावा बीचमा समय निकालेर केही समय अफिसको काम भ्याए।
दुखलाग्दो कुरा चाहिँ मलाई मनपर्ने खेलाडी रोनाल्डोलाई हिजो कोरोना लागेको थियो। उनी पोर्चुगलका कप्तान हुन।
र, आज रातिको खेल कस्तो होला भन्ने मलाई व्यापक चासो छ। पोर्चुगलले आज राति स्विडेन सँग खेल्दैछ।
यो चिन्ताका बाबजुद मैले मिश्रको किताब ६० पानाजति पढेँ। अझै आधाभन्दा धेरै बाँकी छ। यो किताब सकेर अर्को पनि पढ्न बाँकी नै छ।
मैले कति कथाहरु सुरु गरेको छु तर लेख्न भ्याएको छैन्। त्यसलाई पनि आइसोलेसनमा बस्दा पुरा गर्नुछ।
तपाइँहरुलाई लाग्दो हो म यहाँ आनन्दसँग बसिरहेको छु। तर मलाई विहानैदेखि बेलुकासम्म भ्याइनभ्याई हुन्छ।
कोरोना जित्ने भनेर केही धेरै समय सुत्न भने थालेको छु। निद्रा मजाले पुरा गर्छु। साथै हिजोबाट शारीरिक अभ्यासमा फर्किएको छु। त्यसपहिले शरीर विक भएकाले अभ्यास गर्न सकेको थिनँ।
आज पनि दिउँसो फ्राइ राइस खाएर केही बेर किताब हेरिसकेपछि म अभ्यासको लागि बाहिर निश्किएँ। १० मिनेट जति नाच्न गएँ। नयाँ साथीसँग कुरा गरेँ र कोठामा फर्किएँ। मोबाइलमा फेसबुक खोल्दै थाहा पाएँ। सरकारमा केही पक्कै भएको छ।
समाचार खोलेर हेरिहालेँ – मन्त्रीहरु परिवर्तन भएछन्। यस्तै कुरागर्दै खाना खाने बेला भयो। खानापछि म फेरि फेसबुकमै घोत्लिन थालेँ।
एकछिन ट्वीटरतिर पनि झुल्किएर दैनिकी लेख्न बसेँ। साढे ९ मा आजको कथा सकियो। अब सुत्नु पर्ला।
केहिछिन आईपीएल हेरेर अब सुत्छु। मैले लेख्दै गरेको डायरी बन्द गरेँ र आईपीएल हेर्न थालेँ।
हेर्दाहेर्दै निदाएको पत्तै भएन्।
भाग - ८
No comments:
Post a Comment