विवाहलाई बुझ्ने मानिसका आआफ्नै चिन्तन र आधारहरु हुन्छन् । जसले वैवाहिक जीवनलाई समेत प्रभावित पार्दछ ।
सबैको बैवाहिक जीवन सफल हुन्छ भन्ने पनि छैन । कसैले समाज र सन्ताका लागि मात्र बैवाहिक सम्बन्ध टिकाएका हुन्छ त कसैले बाँकी जीवन र बुढेसकालका डरले ।यस्तो गर्ने मानिसहरु समाजमै, हाम्रो वरिपरी नै हुन्छन् । उनीहरु परिवारको विच्छेदन हुने डरले आफूभित्र गुज्रिएका कुराहरु बाहिर ल्याउँदैनन् । र, त्यको मारमा परिरहन्छन् । यसले परिवारको प्रतिष्ठा बाँचेको हुन्छ तर मनको आघात शान्त हुन सक्दैन् ।
यसो भन्दैमा सबै विवाह असफल हुन्छन् भन्ने छैन । जसले समाज अपूर्ण, अमूर्त छ भन्ने बुझेका छन् उनीहरुले पार्टनरको अक्षमतालाई सहजै स्विकार गरेका हुन्छन् । त्यसैले यो कुरा दुवैले स्विकार गरेमा उनीहरुको जीवन सफल भएको मानिन्छ ।
एक अर्काको कमिलाई त्यसको अक्षमता नमानिकन प्रकृतिको समान्य नियम हो भन्ने ठानेर जाने हो भने दाम्पन्त्य जीवन सुखमय बन्दछ ।
हामीले उदाहरण हेर्न सक्छौं ः
एउटा मनिस उसले अफिसको काम पनि गर्छ । र, घरमा पनि काम सघाउँछ । तर उसको श्रीमतीले उसको वानीलाई लिएर दैनिक उत्पात मच्चाउँछे भने त्यो मानिस प्रस्टेसनमा जान सक्छ । यदी त्यही श्रीमतीले उसलाई माया देखाउन थाली भने उसमो जीवन समान्य बन्दै जान्छ ।
त्यस्तै एक पूरुष जो आफ्नी श्रीमतीलाई नोकरजस्तो ठान्छ र दैनिक कामको बोझ दिन्छ । त्यस्तै उसको आकांक्षा उच्च भएकाले श्रीमतीले पूर्ती गर्न नसक्दा कुटपिटसम्म पनि उत्रन्छ । त्यसले समाजमा परिवारप्रति नकरात्मक भावना सिर्जना गर्दछ । पारिवारिक वातावरण पनि असन्तुलित बन्दछ ।
कतिपय अवस्थामा आफूभित्र भएको कुण्ठालाई लुकाएर पार्टनरका अघि मुस्कुराउने अवस्था पनि आउन सक्छ । यो कस्तो बेलामा हुन्छ भने जब पार्टनरप्रति शंका उब्जन्छ तर भन्न सक्ने अवस्था हुँदैन ।
अथवा भन्नलाई प्रमाणको अभाव हुन्छ । शंका सही भएको खण्डमा केस अदालतसम्म पनि पुग्न सक्छ ।
झन् अहिलेको पोस्ट मोर्डन समाजमा मानिस एकै वातावारणमा रमाउनै सक्दैन । उसलाई परिवर्तन जरुरी पर्दछ र मानिस रिलेसनसिपमा मात्र बस्ने र विवाह नगर्ने अवस्थामा पनि पुग्छ । यसो गर्दा, कुनै दिन दुवै छुट्टीन उचित लागेको खण्डमा कानुनी व्यवधान आइपर्दैन ।
आजकल मानिस जतिसक्दो फुर्तिलो जीवन चाहान्छ। आफू जति अल्छे भए पनि त्यसको वास्ता गदैन । तर अरुले समयमा काम गरिदिएनन भने रीसको सगरमाथा चढ्न पुग्छ । जसले वैवाहिक जीवनले मानिसलाई फुर्तिलो बनाउनबाट रोकिरको हुन्छ भन्ने ठान्दछ ।
विवाह भयो भने पारिवारिक दायित्व पुरा गर्नुपर्ने हुन्छ । समाजमा पनि थप दायित्वहरु आइरहेका हुन्छन् । त्यसाई पनि फेस गर्नुपर्ने हुन्छ । विवाह भएपछि उसैसँग जीवन विताउनुपर्छ भन्ने सामान्य सोचाई जागृत हुन्छ । त्यसैले मान्छेले विवाह भन्दा अन्य तरिकाबाटै वैवाहिक जीवनको सुख भोग गर्न चाहान्छ ।
वैवाहिक जीवनमा तगारा धेरै छन् । त्यसको बदलामा प्राप्त हुने एक अर्का साथका लागि मानिसहरु तगारालाई झेलिरहेका हुन्छन् ।
यदी पार्टनरबाट त्यही साथ मिलेन भने अथवा यसमा त्यसले आफूलाई खुसी प्रदान गर्न सकेन भने सम्बन्ध गाँठो पर्दै जान्छ र एक दिन अनन्तको भुमरीमा जाकिन पुग्छ ।
जाकिनबाट बचाँउनका लागि हामीले निरन्तर प्रयास गरिरहेका हुन्छौं कतिपय अवस्थामा सफल बन्छौं कतिपय अवस्थामा असफल ।
सफल बन्यों भने परिवार राम्रोसँग चल्छ नभएर त्यसको दुर्घटना हुन्छ ।
परिवारको दम्पित्ति बाहेक दाजुभाइ, साथी, छरछिमेकी, छोराछोरी र आफन्त–ससुरालीले यो दुर्घटनालाई टार्न सक्दैनन । कसैगरे पनि । तर दम्पत्ती आफैं मिले विपत्ति रोक्न गाह्रो पर्दैन् ।
No comments:
Post a Comment