पराई

सयौं आफन्त भएर पनि
कहिलेकाहीँ
एक्लो ! भइँदो रहेछ,

केही वर्ष अघि हामी, परिवार।
बायाँबाट क्रमशः हजुर आमा, विबेक , ममी, बुवा र म

साथ दिने साथीसँगै
डर लाग्दो रहेछ,
भीडहरुको बीचमा पनि
एकलाश सुनसानमा बसेजस्तै लाग्दो रहेछ
कहिलेकाहीँ
अनायसै एक्लो भइँदो रहेछ


सरहरु हो, मिसहरु हो
ओ सरहरु हो यता हेर्नुस त !
'म' तपाइँहरुले नदेखेको, नसुनेको मान्छे
तपाईंले बाटैमा छोडेको मान्छे
मलाई पनि हेर्नुहोस, सुन्नुहोस
मलाई पनि संगै लैजानु होस्
मेरो मनले भन्छ तर म भन्दिन
अहँ भन्दिन
किनभने मैले तपाईहरु सँग हिँड्नु
दुर्भाग्य हुनेछ

मलाई घृणा गर्ने तपाईंको कसम
मलाई हेला गर्ने तपाईंको आत्माको कसम
तपाईको धार कति बलियो छ
म कसैलाई भन्दिन
किनभने
त्यहाँ पनि खुकुरीहरु नै छन
अचानाहरु छैनन्
खुकुरीलाई अचानोको पीडा थाहा हुँदैन
त्यसैले
म तपाईंको सिकायत कसैसँग गर्दिनँ
बरु आफैंसँग गर्छु

त्यसैले मेरो संसार तेश्रो बनेको छ
जहाँ
म मात्र छु
तपाइँको संसार छुट्टै छ
राम्रो छ, समृद्ध छ
विशाल छ
तपाईं मेरो विश्वलाई पनि नियन्त्रण गर्न सक्नुहुन्छ
ध्वास्त पार्न सक्नु हुन्छ
म निम्छरो ट्वाल्ल परेर हेरिरहन्छु
सहिरहन्छु